ZERGAITXIK IRLA BAT?

1)Mutrikun betidaniko eskaera hirtorikua, Portura sarrera seguru bat eukitzea izan da, "Kardala" mendebaldeko olatu arriskutsutik babestuta.

2)Eusko Jaurlaritzak eskeinitako proiektu ofizial itzelak, gure betidaniko Portuaren aldaketa radikal bat eskatzen deu, arrantza barkuak kanpora aterataz(Kirol Portuari tokixa eitxeko) eta geure kostaldeko gunerik ederrenetariko bati kolpe latz bat emanez.  Honek, geure ustez, Mutrikuko nortasuna eta bere bizitza kalitatea betirako txarketa ekarriko deu.  

3)Gaur egungo Arrantzaren egoera ikusita, eta Flota murrizteko Europatik datozen aginduak kontuan hartuz, ez deu uste Proiektu Ofizialak dakarren inpakto galanta ekonomikoki inolaz ere konpensatzen denik. Gauzak halaxe,  benetan gaitza ikusten deu Mutrikuk bere etorkizunerako apostua Portu Berri hontan finkatzia.

4)Irla batek, "Kardala" gelditzeraekin batera gure inguruko bazterrak zaindu, babestuko eta beharbada hobetuko ditu. Mutrikuk herritarrei eta bisitariei eskeintzen doan edertasuna eta herrixan nortasuna betirako mantenduko da. 

NON ETA ZER NEURRITAKO IRLA?

Evaristo Churruca ingeniariak diseinatu zoan dikearen toki berdina hartuko leuke.   Geure ustez, berak eiñ zitzuazen ikerketak, gaurko estudixuak bezain baliogarrixak diaz.

Neurrixak jakitzeko, olatuak toki hortan dakaten indar ikerketa bat eiñ biharko zan. Gure irlan misio bakarra, "Kardala" olatua gelditzia izango zan portuko sarrera babesteko.  Hauxe da Mutrikuarrak historikoki eskatu deuena.

ZELA EIÑ?

Gaur Egungo Itsas Teknolojiak irla artifizial ugari eraikitzen dijua munduan zehar(Hong-Kong-eko aeroportua, Dinamarka eta Suezia artean dauan irla...). Guk Holandako konpañia batekin jarri gñen kontaktuan BHD. Honek Debako hondartza haunditu zuten bezalako barkuak dakate. Toki batetik lurra hartu(dragatu) eta beste baten botatzen deuenak.

Gutxigorabehera, lau pauso egongo ziazen

1)Lur-azpizan tokixa eiñ

2)Haitzezko hormak eraiki

3)Horma honen barrua ur-azpiko lurrez bete eta lur hau berriro haitzez tapau.

4)Lur bejetala gainetikan ipini eta inguruko landaretzaz ornitu.

GAIÑONTZEKO ALDAKETAK PORTU INGURUAN

1) Lehengo Hondartzatik Hirugarrenea pasiua luzatu. Honela, irlaren babesarekin pasiu hau aisialdi gune ederra bilakatuko zan. 

2) Burumendi goixan Faru txiki bat eraiki. Alderdi guzti hau ornitu eta turismoari laguntzeko. Faru hau parkez ingurauta egongo zan. 

3)Lur-azpiko aparkalekua Burumendiko zelaixan. Kotxientzat tokixa eitxeko eta era berian Burumendi aisialdi eta pasialeku bezala erabiltzeko.

4) Arribotien hustutzia.  Beraien beharrik ez zan egongo, Portuko sarrera babestuta  egongo zalako.  Toki  honek haibat erabilera eukiko zeuen.   

5)Gaurko Portuaren reordenazioa.  Benetan pentsatzen deu sektore eta jende guztientzat tokixa dauala gaur egungo Portuan pizkat bat ordenau ezkero. Arrantza portua, Txalupen amarriak, Kirol Portua eta Arraunlari taldeak. "Nasa" kalean oinezkuentzako espaloi berezi baten beharra ikusten deu.  Ondarruko portuan txintxilizka dauana bezelakua.  Horrela toki geixo bai kotxe eta bai oinezkuentzat.  Udako trafikoa semaforo baten laguntzaz regulauta egongo zan kale hortan. 

6)Arrrantza deskargako txokua Portu gaiñian Deba Mutriku karretera onduan. Honela bide berri baten beharrik ez zan egongo.  Kamioiak portura bajatu beharrian, arrainak montakarga baten bitartez igoko iñun gora.

BALORAZIO OROKORRA. 

Proiektu Ofizialak gure inguruari ekarriko dion kaltia ukaeziña da. Mutrikuk imajinazio gehiagokin sortutako erantzun aurrerakoi bat bihar deu.  Gaur egun baliabide ugari dakau hortako(Guggenheim-a ikusi). 

Ikuspegi ekonomikoa

Proiektu ofiziala eutseziña da.  Portu berri honek eduki behar doan aurrerakotasuna ez du Mutrikuko gazteak itsasora bultzauko.  Ezta barkuak 10 aldiz haunditu ere. Ez dezagun ahastu gure parian Ondarruko eta Getariko portuak indar itzelekoak diazela.  Portu honek ez doz gaur egun beren 100% ahalmenian lanean.

Kirol Portuari buruz, esan beharra dago ba dozela gure ondoan Zumaia bezelako Kirol Portua, oraindik bete gabe.  Zertarako orduan portu osoa beteko dituzten 600 amarre Mutrikurako?.  Getxo eta Hondarrabik dakaten kokapena eta jende multzoa ezin da konparau Mutrikukoakin.  

Ikuspegi Kultural eta paijajistikoa

Proiektu ofizialak Mutrikuk daukan oreka paisajistikoa betirako deusestuko deu, eta honekin batera bisitariak herrira etortzeko dakaten arrazoiak.

Irlaren alternatiba errealista eta aurrerakoia dela sinisten deu.  Ez ditu inguruak apurtzen eta "Kardalan" arazoa konpontzen deu.

Mutrikuko itsasadarrak daukan berezikotasunak mantendu eta indartu ere eingo ziazen irlaren laguntzaz. Honela geure herrixa benetan erakargarrixa bihurtuko zan turismoantzako.

Irlaren babesan aisialdi eta jokoetako gune paregabe bat sortu leike  Itsasoari irekita. 

Orokorki, Irlaren alternatibak Herrira onura ekonomikoak ekartzeko ahalmen haundixo dakala sinisten deu.  Era berian Mutrikuk daukan patrimonixua hurrengo belaunaldixentzat zainduko deu. Hau dena diru askoz gutxiagoko inbersioarekin.    

Honen aldean Proiektu Ofizialaren alternatibak daukan gauza zihurra harrizko milloika toneladaren pisua da. Atzera egin ezin den etorkizun baldintzatu bat.