|
O
Plan de Acción Titorial (PAT) é o marco no que especificamos os
criterios e procedementos para a organización e funcionamento das titorías.
Fixa un conxunto de actividades educativas complementarias ó currículo,
baseadas nas necesidades do alumnado e dirixidas a eles, que están
secuenciadas no tempo e estruturadas nas dimensións da acción titorial
e que o titor realizará cos distintos colectivos do grupo que titoriza:
 Alumnado
Familias
Equipo
educativo
Dende o marco teórico e a normativa
actual que o desenvolve, consideramos a acción titorial intrínsecamente
vinculada á docente como conxunto de accións articuladas ao redor desta.
É claro, baixo esta perspectiva, que non é algo que dependa da boa
vontade e disposición dalgúns profesores e/ou do Departamento de
Orientación. Forma parte do currículo e está integrado no mesmo.
Será, entón, un proceso necesario (colaborativo, continuo e sistemático),
dentro da Comunidade Educativa para poder acadar a maioría dos obxectivos
xerais do PEC a través das distintas titorías ao longo do tempo escolar.
Neste
contexto a titoría será o espazo idóneo para a participación do
alumnado no Centro. A “titoría educativa” que pretendemos debe
conseguir dar resposta aos problemas que xurdan na aula, tratando as
dificultades que haxa e propoñendo alternativas entre todos. A hora de
titoría é un tempo para os alumnos, coa finalidade de falar das cousas
importantes para eles e que lles preocupan.
Ao mesmo tempo a titoría é espazo
e o tempo no que se facilita ao titor/a
o coñecemento de cada un dos alumnos titoriados individualmente
considerados e tamén como
grupo para poder intervir axudándolles no seu proceso de crecemento
persoal e social. |
