|
No Sistema Educativo actual concíbese a orientación educativa nunha dobre perspectiva:
 A realizada por profesionais da atención individualizada -e non excluínte-
dos problemas de aprendizaxe.
A consideración da actividade orientadora como un ámbito máis de
atención da función docente.
Supérase deste xeito a concepción da
orientación únicamente como axuda externa puntual aportada polo experto,
e téndese ó concepto de orientación como actuacións que se desenvolven
dentro da actividade educativa e inxeridas no contexto económico e
cultural no que se desenvolve o individuo.
A escola, como lugar de construcción da igualdade de oportunidades asume,
entón, a misión educativa de posibilitar que todos e cada un dos cidadáns
desenvolva o máximo das súas potencialidades e elabore un proxecto de
vida persoal que poida transcender, se é o caso, condicionantes de
partida desfavorables. Este reto supón un profundo cambio, tanto teórico
como institucional na concepción, organización e desenvolvemento da
orientación educativa.
Nesta liña, entendemos
a orientación como un proceso global que integra aspectos relativos ao desenvolvemento
persoal, aos procesos de ensino-aprendizaxe e á toma de decisións e que
inclúe a toda a comunidade educativa.
Consecuentemente, a comunidade educativa, entendida nun senso amplo, o
contexto escolar no que imos a desenvolver a acción educativa concreta,
é o segundo referente que guía e xustifica o plan de Orientación Académica
e Profesional.
|
