|
Os Programas de Cualificación
Profesional Inicial (PCPI):
1. Teñen a finalidade de favorecer a inserción
social, educativa e laboral das mozas e mozos.
2. Poderán acceder as alumnas e alumnos maiores de
dezaseis anos, cumpridos con anterioridade ao 31 de
decembro do ano en que se inicia o programa, que non
obtivesen o título de graduado en educación
secundaria obrigatoria.
3. Excepcionalmente, poderán acceder a un programa
de cualificación profesional as alumnas e alumnos de
quince anos de idade, sempre que se cumpran os
seguintes requisitos:
a) Acordo das alumnas e alumnos, nais e pais ou
titores.
b) Ter cursado segundo da educación secundaria
obrigatoria, non estar en condicións de promocionar
a terceiro e ter repetido xa unha vez na etapa.
c) Compromiso de cursar os módulos voluntarios aos
cales se fai referencia no artigo 30.3º.c) da Lei
orgánica 2/2006, do 3 de maio, de educación.
d) Informe favorable do Departamento de Orientación
do centro.
4. Os programas de cualificación profesional inicial
deberán responder a un perfil profesional.
5.A oferta de programas de cualificación
profesional inicial poderá adoptar as seguintes
modalidades:
a) Modalidade A, en que todos os módulos se imparten nun mesmo centro educativo.
b) Modalidade B, en que os módulos específicos se
imparten nun centro educativo e os módulos
formativos de carácter xeral e os módulos de
carácter voluntario se imparten noutro.
c) Modalidade C, en que poderán participar as
corporacións locais, as asociacións profesionais, as
organizacións non gobernamentais e outras entidades
empresariais e sindicais.
5.Hai unha oferta específica de programas de
cualificación profesional inicial, adaptada para o
alumnado con necesidades
educativas especiais que non se pode integrar na modalidade ordinaria.
|
