|
|
|
|
|
Na educación transmítense e exercitan
os valores que fan posible a vida en sociedade e
adquírense os
hábitos de convivencia e de
respecto mutuo. Por iso, a formación no respecto
dos dereitos e liberdades fundamentais e no exercizo
da tolerancia e da liberdade dentro dos principios
democráticos de convivencia é un dos fins primordiais
que debe perseguir o sistema educativo e que
o alumnado debe coñecer e interiorizar.
Á consecución deste fin deben contribuír non só os
contidos formativos transmitidos,
senón tamén, moi especialmente, o réxime de
convivencia do centro, regulando os
dereitos e
deberes do alumno, deben propiciar o clima de
responsabilidade, de traballo e esforzo, que permita
que todos os alumnos obteñan os mellores resultados
do proceso educativo e adquiran os hábitos e
actitudes recollidos nas leis educativas.
Desde esta concepción, é necesario que o alumno
perciba que as normas de convivencia non son alleas
ao centro, e polo tanto a eles,
senón que foron elaboradas e adoptadas polo conxunto
da comunidade educativa e que están especificadas no
RRI do centro. |
| |
|
 |
Real Decreto 732/1995, de 5 de
maio, polo que se establecen os dereitos e deberes
dos laumnos e as normas de convivencia nos centros.
|
|
|
| |
|
|
 |
1. Todos os alumnos teñen os
mesmos dereitos e deberes, sen máis distincións
que as derivadas da súa idade e do nivel que
estean cursando.
2. Todos os alumnos teñen o dereito e o deber de
coñecer a Constitución Española e o respectivo
Estatuto de Autonomía, co fin de formarse nos
valores e principios recoñecidos neles.
3. Recoñécense aos alumnos os seguintes dereitos
básicos:
a) A recibir unha formación integral que contribúa
ao pleno desenvolvemento da súa personalidade.
b) A que se respecten a súa identidade, integridade
e dignidade persoais.
c) A que a súa dedicación, esforzo e rendemento
sexan valorados e recoñecidos con obxectividade.
d) A recibir orientación educativa e profesional.
e) A que se respecte a súa liberdade de
conciencia, as súas conviccións relixiosas e as
súas conviccións morais, de acordo coa
Constitución.
f) Á protección contra toda agresión física ou
moral.
g) A participar no funcionamento e na vida do
centro, de conformidade co
disposto nas normas vixentes.
h) A recibir as axudas e os apoios precisos para
compensar as carencias e desventaxas
de tipo persoal, familiar, económico, social e
cultural, especialmente no caso de presentar
necesidades educativas especiais, que impidan ou
dificulten o acceso e a permanencia no sistema
educativo.
i) Á protección social, no ámbito educativo, nos
casos de infortunio familiar ou accidente.
|
|
|
| |
|
|
|
Son deberes básicos
dos alumnos:
a) Estudar e esforzarse para conseguir o máximo
desenvolvemento segundo as súas capacidades.
b) Participar nas actividades formativas e,
especialmente, nas escolares e complementarias.
c) Seguir as directrices do profesorado.
d) Asistir a clase con puntualidade.
e) Participar e colaborar en mellóraa da
convivencia escolar e na consecución dun adecuado
clima de estudo no centro, respectando o dereito
dos seus compañeiros á educación e a autoridade e
orientacións do profesorado.
f) Respectar a liberdade de conciencia, as
conviccións relixiosas e morais, e a dignidade,
integridade e intimidade de
todos os membros da comunidade educativa.
g) Respectar as normas de organización,
convivencia e disciplina do centro educativo, e
h) Conservar e facer un bo uso das instalacións do
centro e materiais didácticos.
|
|
| |
| |
|
Colexio San Narciso -
Marín |
|
Contacto jucarte48@hotmail.com |
 
|
|
