//
O Centro Social
//		/

    Desde a fundación da Asociación Cultural O Penedo da Forca atopamo-nos cunha eiva: non tiñamos un Centro Social onde realizar as nosas actividades.
Durante un tempo un viciño do povo cedeu-nos un local onde celebrabamos as Asembleas Xerais e máis onde organizabamos algunha actividade como a Exposición de Fotografias Prado na Memória.
Ainda así necesitabamos un local social próprio.
 
    Mercamos un terreo en Prado do Miño, á beira do Campo de Baloncesto Municipal no ano 1.995. Coincidiu esta data co grande incremento de sócios, pois pasamos de duas dúcias a máis de dous centos (case a totalidade dos viciños de Prado do Miño). Isto fixo posíbel que coa axuda, o ánimo, as ilusións e o entusiasmo de todos comezaramos o que para nós era a Nosa Grande Obra (que se pode ver como foi evolucionando nas fotografias que acompañan a este texto).

Comezo das obras no ano 1.996

    Para pór-lle o teito á casa e comezar a usar o local e ante a falta de fondos na asociación, moitos sócios adiantaron uns cartos para realizar a obra.

A médio facer no ano 1.996

    Rematado no ano 1.997 o tellado, as portas e xanelas, xa tiñamos por fin o Noso Centro Social. Xa habia un lugar no que celebrar as asembleas, organizar as actividades e os ensaios da Coral e do Grupo de Teatro...

Centro Social da A.C. O Penedo da Forca a finais do ano 1.997

    Desde o ano 1.998 dispoñemos de luz eléctrica.
Agora xa celebramos cursiños de informática e mecanografía, de inglés, de galego...
Somos a única asociación, colectivo... que ten un Local Social PRÓPRIO en Castrelo do Miño, e que o pode ceder a outras entidades sen consultar con nenguén, só cos sócios e sócias nunha asemblea xeral.

    No ano 1.999 van-se tentar facer duas novas obras:
- Colocación do Falso Teito. Conta-se coa axuda de todos os sócios para face-lo.
- Revestimento interior das paredes da Casa.