Coa celebración de VIÑETAS desde o Atlántico quérese celebrar durante sete días de agosto unha festa ó redor do mundo da historieta. Preténdese achegar a cidade da Coruña a representantes de tódolos estamentos e tendencias que conforman unha das formas de expresión máis específicas deste século que está a se nos escapar, e dende o ambente festivo que se merece toda celebración, achegar a especialistas e profanos a ampla variedade de propostas existentes na actualidade. Dirixirase a un público o máis amplo posible e por iso organizouse un programa aberto e variado, do que darei un cumprido avance:

Actividades programadas:

Na Estación Marítima celebráronse os seguintes eventos:

Exposicións: Coleccionismo de historieta Orixinais alterados na súa publicación A serie televisiva Os Vixilantes do Camiño A historieta galega actual Pierre Christin Michael Kaluta Pacheco Pascual Ferry Luis Royo Max

Conferencias e mesas redondas con diferentes autores, editores, especialistas e persoas implicadas no mundo da historieta

Os autores que aparecen en gris no asistiron ó Festival do Comic por motivos varios, algún deles de última hora. Pero tamén se contou coa presencia de xente coma Mauro Entrialgo, Monteys ou o grupo musical Killer Barbies. Foi unha mágoa que Germán García non puidese asistir así como tampouco o fixo Bachs, pero como era xente fora de cartel non foi de extrañar.

Por desgracia houbo moitas ausencias, pero temos esperanzas de que isto mellore para o vindeiro ano para consolidar a celebración deste evento tan importante para o mundo do cómic como para a cidade da Coruña.