CARNOTA.
Parece estar bastante documentado que a orixe do topÓnimo ten moito que ver coa xeomorfoloxía da zona, por todas partes visible, a pedra (Monte Pindo, Pedregal, Pedreira, Laxa, Petóns...).
A forma mais antiga rexistrada para referirse a este concello é a de Cornatum, nun documento do ano 925 aparece nomeado un territorio ou commisum, quod dicunt Cornatum in prouincia Gallecie (López Ferreiro, Historia de la Iglesia de Santiago, ap. 2, pax. 144). Anos mais tarde, Carnota aparece como karnota (López Ferreiro, op. cit., ap. 2, pax. 204).
Inda que moita xente pensaba pois que as orixes
poderían
ter que ver coa forma da praia (en forma de corno), a etimoloxía parte da voz
precéltica CARN ou CORN co
significado de "pedra".
Así, no Concello, podemos atopar unha chea de nomes desta mesma orixe, e todos relacionados coa pedra: Cornido, o Petón de Cornes, a praia de Corna Becerra (xunto a Punta Pedrullo, preto de Quilmas)...
Son
moitos os lugares na Galiza onde utilízase esta raíz celta (carn ou corn) e de clara
orixe pétrea: punta Corna (Palmeira), as Pedras Cornelas e Conles dos Cornos
(Aguiqo),
Cornaces (Carballo), Cornazo (Vilagarcía de Arousa), Cornella (A Golada), Monte Carnecido
(Illas Cíes), Punta Carniceira (Serres-Muros)...
E noutros lugares de cultura celta atopamonos coa mesma historia: ó SO. de Inglaterra temos o topónimo Cornwall, península pedregosa; en Francia, a rexión de Cornualles, con lugares como Concarneau e Carnac; na ribeira do Danubio Carnuntum...
Aínda que según Fernando Cabeza (lingüista), está extendido por todo o mundo, lugares como: Corno Grande (macizo Gran Sasso-Italia), monte Cornz (nos Andes arxentinos), Punta Cornuda (Alicante), Cornulleda (Tarragona), Cornwall (Canada)...
