Denominamos "A Fenestra" ao magazine matinal de Radio Fene. Durante tres horas e media diarias combinamos a información con entretenemento, sempre desde un tratamento e unha perspectiva o máis local posible.

Comezamos ás nove da mañá cun servicio informativo onde prestamos especial atención á situación do tráfico na comarca. Trátase do microespacio "A Ponte das Pias", un programa que conta co patrocinio de "Autopistas del Atlántico" e que intenta afondar no carácter de servicio público da nosa emisora. Cun formato dinámico recollemos tamén as novas da zona destacadas polos diferentes xornais.

O formato "magazine" comeza ás nove e media da mañá, tentando satisfacer os gustos e as preferencias dun público heteroxéneo. Cada dia convídase aos ointes a coñecer as voces da súa comarca a través dunha serie de entrevistas programadas e distribuidas estratéxicamente. A Fenestra tamén introduce seccións nas que participan os representantes políticos no Concello e os deputados autonómicos e centrais da zona.

A variedade de contidos é unha das características deste magazine diario. Nel fálase de literatura, cine, ocio, tradicións,... Tentamos estructurar todos estes temas en microespacios dinámicos, abordandoos sempre desde un enfoque local ou comarcal.