VILARIÑO DE CONSO - OURENSE. 

UNHA PRAIA FLUVIAL QUE É UN ATENTADO INCRÍBLE O RÍO CENZA.

 

Información e fotografías da praia de Vilariño.

Última hora: Medio Ambiente expedienta o Concello por talar árboles, precisamente na zona da praia.

 

Saír.

 

 

 

 

 

 

 

 

 

 

INFORMACIÓN SOBRE ESTA DESFEITA:

 

En principio  simplemente porei unhas fotos, tanto do proxecto, como da situación actual das obras.

Na miña opinión esta praia fluvial é un atentado ecoloxico a un río que xa estaba masacrado, polo encoro do Cenza, pero que nese lugar, certifico, tiña un bosque de galería ben coidado e o leito do río era unha marabilla.

Decididamente, dende un punto de vista da natureza,  non entendo a política do Concello de Vilariño cos ríos da Comarca, non miran para eles, e cando mira é para desfacelos.

Non entendo como poden botar por terra o seu futuro desta forma.

Vamos ve-la obra desta praia no río Cenza:

Así era o lugar onde se fai a praia fluvial, ver a estrada así como a nave que está a esquerda da ponte. O río, como todos os galegos, presenta un bosque de galería, con árbores que a maioría son bidueiros e salgueiros, inda que nesta zona había algún castaño centenario. Ver na parte de abaixo como quedou a zona.

Este é o estado actual da famosa praia. Observar que o bosque de galería que cubría o río foi arrasado. O leito do río empedrado. Realmente é dificil facelo peor. O río Cenza nese lugar era couto de pesca, hoxe en abril do ano 2000 está vedado. Realmente é para chorar o que se está a facer cos ríos galegos. Esta práctica é bastante usual polo menos en Ourense. Na miña opinión estas obras son pezas de ouro para un libro que se podía titular "A antoloxía do disparate ecolóxico".

O paraxe coñecese co nome de Marcolongo, e está no mismo Vilariño de Conso, trátase dunha actuación máis das moitas que se están a producir en Ourense cós ríos. Non me colle de sorpresa, 300 metros de río que pasan a outra vida... estas son as imáxenes e fotografías, saquen as súas conclusións.

O EMPEDRADO  E ACONDICIONAMENTO DO RÍO VAI DENDE A PONTE-ATA DESEMBOCADURA NO CONSO.

A obra consiste  no empedrado do río e en facer tres especies de pequenos encoros que servirán de piscinas, una zona será para os mais pequenos, outra para persoas adultas con dificultades de nadar e a terceira, un pouco máis grande, servirá para practica-la natación e os que se desenvolven mellor na auga. Para levar a cabo esto levantaron a zona , desviaron o río e logo voaron a zona, supoño que con dinamita, xa que o parecer había moitas rocas na zona. Por suposto talaron bidueiros, salgueiros e incluso castaños centenarios. Levantaron o leito do río.

Empedraron o río. Encementaron.

En fin. Sin comentarios ...

Ten 42 millóns de presuposto na primeira fase.

Por certo o lugar voado era couto de pesca o ano pasado. ( Según o reglamento de pesca, dinamitar a zona sería unha multa de 50 millóns de pesetas... máis dos que vale a obra........).

Por certo ( ver máis abaixo) a multa foi de 40.000 pts.

Corte do río e Detalle do "EMPEDRADO DEL RÍO".

Os planos.

 

Comenzo das obras. Esta fotografía non é miña. Está sacada da folla de información do Concello. ¡¡ Terrorífico ! . Decia Epicuro "Que o descoñecemento da natureza é a causa da desgracia human! ...O feito de acometer esta obra é dun descoñecemento que a mín faime temblar. Outro problema é que a xente pensa que os ríos son da súa propiedade. " Os ríos son un patrimonio de tódolos galegos". O río Cenza é de Vilariño e con el pódese facer o que se queira. Esto é o error da xente que promove estas desfeitas. Eu non podo, como amante da natureza aprobar una obra que desgracia o río, quede como quede a obra que seguro que o final queda bonita. O feito de facela e de "escoñar o río e a súa vida" demostra un descoñecemento total do que é o propio río. Esta misma obra podería facerse sin problemas fora do río, mantendo para este un caudal ecolóxico axeitado. Non entendo como, Medio Ambiente, a Confederación hidrográfica, a Federación de Pesca de Galicia, permiten "estas animaladas".

Así esta quedando. Que conste que hai xente que opina que pode quedar ben. Dende logo pode... Pero o modo de facelo é incríble. As pedras do río van encementadas, creo que con eso está todo dito.

Río empedrado. Eu na miña vida vin outra desfeita deste tipo. Menos mal que é un treito pequeno relativamente. Seguro que o vai aprobar Medio Ambiente. ¿Seguro que se axusta os proxecto aprobados ?.

Parte de abaixo da desfeita, que nos dice como era o río onde se está a facer a praia. Vexan os bidueiros, etc. Típico bosque de galería. Igual que a seguinte fotografía.

Incríble. Ve-la zona de arriba da Ponte chea de salgueiros e bidueiros. Así estaba a parte de abaixo.

Así é como está quedando a obra. Ollo que esto está pagado por tódolos galegos. Son cartos de Europa...logo queixámonos...

¡¡¡ Penoso!!! No seu día irei pondo o proxecto, a autorización de Medio Ambiente e da Confederación hidrográfica. Dende logo inclumple absolutamente todo ( dende o punto de vista ecolóxico) . ¿ Que se pode facer ante estas desfeitas ?.

Europa paga todo... Lévase gastado sobre 50 millóns na primeira fase. Ver fotografía panorámica. Neste país galego están de moda estos procedementos nos Concellos. Primeiro solicitan permiso por suposto da Confederación hidrográfica, quen pon unhas normas que ninguén cumple e moito menos os Concellos. Por certo a Confederación pón moitas trabas, pero todo depende de quén pida as cousas, estos días, xaneiro de 2000,  puso trabas o Instituto de Ribadavia para arranxar unha ponte, cun presupuesto de 200.000 pts. e para o proxecto Voz natura. Denega "por si cae cemento o río", pide incluso un estudio de impacto de 500 anos atrás para una pasarela de 4 metros." . Logo permite estas encementacións no río Cenza e  tamén centos de minicentrais na provincia, que no soio  encementan si non que tamén  matán literalmente tódalas troitas, como ocurriu no río Cerves recentemente e noutros. Vivir para ver, neste país hai que estar ben situado para obter as cousas, inda que estas sexan ilegais e auténticos asesinatos a natureza. Unha auténtica vergoña. Pero sigamos coa praia do Cenza... Logo solicitan a Medio ambiente autorización que por suposto pon outras normas e que ninguén cumple e xa está, feitos consumados. Si a Unión Europea paga todo,  moito mellor así sae gratis ( como si estos cartos non saíran da cuota de leite ou da cuota pesqueira , os galegos somos así... pero hai que aproveitarse...).   Así está quedando en agosto do 2.000. O final ata dirá bonita a praia do Cenza, pero ese non é o tema, o fin non xustifica os medios, e o río, os centos de animais que había debaixo das pedras,  as árbores que había no seu entorno foron arrasadas...ese é o feito...trátase, repito, dun delito ecolóxico moi grave, feito con intención de utilidade pública e seguro con boa vontade, como estou seguro que se fixo, pero...é un crimen a nosa natureza, un crimen que se podía evitar.   O final rematarán a obra,  e si ven inagura-la obra un político de campaniñas mellor...eu diría que mellor Fraga, non estaría mal que é pescador , ou Cuiñas que dice que os ríos galegos quedarán coas troitas de fai 50 anos ( por exemplo o Cenza) ou o Conselleiro de Medio Ambiente que pasa dos ríos completamente, é que cree que os encoros, dende 20 anos ata hoxe xa se fan con mentalidade ecolóxica, fanse ben...( para os bolsillos de Fenosa, Iberdrola, etc...).  Agustín Verdeal penso que non vai ben para este evento , o home está moi ocupado, xa que dixo o ano pasado que vai recuperar a Lagoa de Antela ( debe estar a tope)... -------------------------------------------------------------------- Sen entrar en moito detalle,  total.... ¿ para que? si o mal está feito: A Consellería de Medio Ambiente con data 2 de Marzo de 1999 e firmado por Belén Bris Marino co Visto Bon do Delegado de Medio Ambiente Agustín Prado Verdeal propón as seguintes condicións a obra o Concello de Vilariño:   CONDICIÓN POSTAS CUMPLIMENTO: 1.- Deberá asegurar la circulación en todo momento dun caudal ecolóxico polo río que permita o mantenemento das comunidades acuáticas preexistentes Dame a risa...... voaron a zona completa, matando por suposto toda a comunidade acuática existente, que non son soio as troitas e peixes, fala de comunidade, os bichos que están debaixo das pedras tamén forman esa comunidade. Tamén os bichos que andan polas árbores. En fin sin comentarios...... 2.- Deberase dispor dun sistema de franqueo practicable para a fauna ictícola tanto para o remonte como para o descenso. Dende logo no proxecto non está contemplado. Claro que xa o dixen no seu día, xa fai anos. Cando se fixo a presa do Cenza, todo o mundo decía que os peixes e troitas subirian. Efectivamente, as troitas en Vilariño, claro que suben, xa que son voadoras...polo tanto non necesita sistema de franqueo. 3.- Evitarase o vertido de calquera tipo de producto contaminante que cause dano ó ecosistema acuático. Asi durante as obras non se verterán pedras, terra, restos vexetais ou cemento, hidrocarburos ou outras substancias que poidan modificar a calidade da auga. Esto si se cumpliu. Non, non houbo vertidos de nada. Simplemente desviaron o río e dinamitouse o tramo. Por suposto tampouco resto de cemento, xa que donde botaron cemento, o encementar as pedras, xa non era o río de antes era outro. De coña e para tirarse polo chan. 4º.- O tramo afectado conta cun arbolado de ribeira en bó estado que se respetará esta franxa de vexetación con alto valor biolóxico e protector do ecosistema acuático. En caso de que fose preciso cortar algún pé solicitarase a autorización perceptiva. Sin comentarios. Non deixaron nin a primeira arbore. Seguró que fixeron a solicitude por escrito para cortalos todos. Mellor dinamitalos é máis rápido , limpio e non afecta a fauna. 5º.- O remate das obras tódolos restos das mesmas deberanse retirar da canle e marxes e reporase a vexetación cortada.  Bueno seguro que o 5º punto vanno cumplir. Galicia é un pais bananero no que respeta ó medio ambiente. O descoñecemento dos nosos gobernantes neste tema é total e absoluto e así nos luce o pelo en agosto do 2.000... Vds. teñen a palabra. Sra. Belén Bris Marino ¿ Cumpliron as normas ?. A que sí ...¿ canto nos xogamos ?. O final o mellor queda bonito, que conste que é posible. Esperemos... O resultado. Descoñezo o autor da fotografía. As anteriores son miñas.

MEDIO AMBIENTE EXPEDIENTA O CONCELLO POR TALAR ÁRBOLES.

( A verdade é que a tala de árbores non é ó único atentado, o río queda desfeito e sin vida nesa zona.)

Agosto do 2000-Medio Ambiente multa a Vilariño pola tala indiscriminada de árbores.

Estado actual da famosa praia de Vilariño. Agosto do 2000.

Vilariño de Conso foi multado con 40.000 pesetas pola tala de unhos castaños na área recreativa do río Cenza. A multa é da Confederación hidrográfica. Verdadeiramente dame a risa, por non chorar. Por suposto o Concello, non pagará un can seguramente. Unha lectura a fondo do que escribe a confederación hidrográfica, sigue movendo a risa...pero que máis dá. Está claro que nos ríos de Galicia pódese facer de todo, sempre e cando o fagan os Concellos...eso sí , si os castaños foran talados por un particular ou outros grupos,  outro galo cantaría...

Última hora : A Región 06-08-2000.

Vilariño paga a multa xa que pensan que "recurrir inda saldría máis caro".